آٹھواں سبق
وہ جگہیں جھاں مضارع مرفوع اور منصوب ہوتا ہے
تمھید:
پہلے بھی کہا جا چکا ہے کہ تمام افعال مبنی ہوتے ہیں سوائے اس فعل مضارع کے جس سے نون نسوہ یا مباشرتا نون تاکید متصل ہو،اور مضارع مرفوع یا منصوب یا مجزوم ہوتا ہے۔
جب بھی فعل مضارع ناصب و جازم سے خالی ہو تو مرفوع ہوتا ہے،اور جب اس سے پہلے حروف ناصبہ میں سے کوئی آجائے تو منصوب ہوتا ہے،اور یہ ہیں:(ان،لن،کی،اذن) اور ”ان” مضمرہ کے ذریعہ اس وقت منصوب ہوتا ہے جب (لام تعلیل،لام تاکید،حتی،او،فاء سببیہ،واو مصاحبہ یا ان حروف عاطفہ کے بعد آئےجنکا معطوف علیہ اسم جامد ہو)۔
(ان) جوکہ مضارع کو نصب دیتا ہے وہ دو جگہوں پر حرف مصدری واقع ہوتا ہے:
پہلی: ابتداء میں واقع ہو تو محل رفع میں ہوگا،جیسے: (وان تصبروا خیر لکم۔’’النساء:25”)۔
دوسری: اس لفظ کے بعد جو یقین کے معنی پر دلالت نہ کرے واقع ہو تو کبھی محلا مرفوع ہوگا،فاعل یا نائب فاعل ہونے کی وجہ سے،جیسے کہ یہ آیت:(الم یان للذین آمنوا ان تخشع قلوبہم۔’’الحدید:16”)۔اور کبھی منصوب ہوگا،جیسا کہ یہ فرمان رسول اللہ صلی اللہ علیہ وآلہ وسلم:(ان من السرف ان تاکل کل مااشتھیت۔’’سنن ابن ماجہ:2/112’’)یہاں (ان تاکل) ’ان’ کا اسم محلا منصوب ہے۔اور کبھی مجرور واقع ہوتا ہے،جیسے کہ یہ آیت:(وانفقوا من ما رزقناکم من قبل ان یاتی احدکم الموت فیقول۔’’المنافقون:10”)۔
لیکن جب (ان) فعل یقین یا یقین کے معنی پر دلالت کرنے والے کسی دوسرے فعل کے بعد آئے تو وہ مضارع کو نصب نہیں دیگا،اور اس صورت میں وہ مخففہ از مثقلہ ہوگا،جیسے کہ یہ آیت:(علم ان سیکون منکم مرضی۔”المزمل:20”)۔
(لن) حرف نصب،نفی اور استقبال ہے جیسے:(لن ینجح الکسول) اور تاکید(ہرگز نہیں) یا تابید(کبھی نہیں) کا فائدہ نہیں دیتا ہے۔
اور (اذن) اس شرط کے ساتھ مضارع کو نصب دیتا ہے کہ وہ صدر کلام میں آئے،معنی استقبال کا ہو اور (اذن) فعل سے متصل ہو،مثلا اگر آپ سے کہا جائے کہ(آتیک) تو آپ کہیں گے (اذن اکرمک)فعل کو نصب دینگے،اور اگر آپ نے یہ کہا کہ (انا اذا اکرمک) تو فعل کو رفع دینگے کیونکہ یہاں (اذا) صدر کلام میں نہیں آیا۔
اور اگر آپسے کہا جائے خی (احبک) اور آپ جواب میں کہیں کہ (اذن اظنک صادقا) تو فعل مرفوع رہے گا کیوں کہ یہاں حال کا معنی ہے۔ اور اگر میں یی کہوں کہ (اذن یا عبد اللہ اکرمک) تو فعل مرفوع ہوگا کیونکہ دونوں کے درمیان فاصلہ ہو رہا ہے۔
اور کبھی کبھی ان دونوں کے درمیان (قسم) یا (لاء نافیہ) کے ذریعہ فاصلہ جائز ہوتا ہے، جیسا کہ یہ آیت:(واذا لا یلبثوا خلافک الا قلیلا۔’’الاسراء:76”)۔ اور جیسا کہ شاعر کا یہ قول:(اذا واللہ نرمیھم بحرب)۔
اور (کی) معنی اور عمل کے لحاظ سے (ان) مصدریہ کی طرح ہوتا ہے، جیسا کہ یہ آیت:(لکیلا تاسوا۔”الحدید:23”)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمرین1 :مندرجہ ذیل عبارت پر اعراب گذاری کرتے ہوئے وضاحت کیجئے:
ان علی وجھین: اسم وحرف، والحرف علی اربعه اوجه: احدھا:ان تکون حرفا مصدریا ناصبا للمضارع۔والوجہ الثانی: ان تکون مخففہ من الثقیلہ۔والوجہ الثالث: ان تکون مفسرہ بمنزلہ (ای)۔والوجہ الرابع: ان تکون زائدہ۔(مغنی اللبیب ،بتصرف)۔
تمرین 2: مضارع مرفوع اور منصوب کو مشخص کیجئے:
سمع رسول اللہ رجلا یقول: اللہم آتنی ما توتی عبادک الصالحین،فقال:اذا یعقر جوادک،وتھراق مھجتک فی سبیل اللہ۔(کنز العرفان:4/11335۔)۔
الامام علی علیہ السلام :(من اسرع الی الناس بما یکرھون قالوا فیہ بما لا یعلمون۔نھج البلاغہ،الحکمہ 35)۔
لن یجود البخیل۔
ارید ان اتعلم۔
تمرین 3: اس عبارت(اشرت الیہ ان لا تفعل) پر اعراب لگاتے ہوئے بتائیے کہ (ان) میں کتنے احتمالات پائے جاتے ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
